Overbioingeniør

Ved Laboratorium for medisinsk biokjemi og blodbank, LMBB, i Førde er det ledig stilling for:

Overbioingeniør i 100 % fast stilling. 

LMBB er ei felles avdeling på tvers av sjukehusa i Helse Førde med seksjonar i Førde, Lærdal og Nordfjord.

Avdelinga er ei viktig og sentral avdeling i Helse Førde, og bidrar døgnet rundt med analyser av høg kvalitet slik at både sjukehusavdelingar og legekontor kan sikre riktig diagnose og god pasientbehandling.

🌟 Her får du:

• Variert arbeid innan medisinsk biokjemi og transfusjonsmedisin
• Tett samarbeid med erfarne kollegaer i eit team på ca. 35 dedikerte medarbeidarar (bioingeniørar, helsesekretærar, legar og sjukepleiarar)
• Arbeide med topp moderne utstyr og automasjon

🌍 Førde – din nye by:

• Ein sjarmerande by med rikt kulturtilbod, butikkar, restaurantar og arrangement
• Fantastisk tilgang til naturen: toppturar, skianlegg, båtliv og fiske rett utanfor døra
• Sentralt plassert mellom Ålesund og Bergen. Oslo er berre ein kort flytur unna

🎉 Sosialt miljø:

Bli med på buldring, jogging, quiz, kampsport og andre kjekke og sosiale aktivitetar saman med kollegaer.

Er du klar for nye og spennande arbeidsoppgåver? Ta gjerne kontakt dersom du har spørsmål om stillinga - og bli ein del av vårt team!

Startdato 01.02.2026 eller etter avtale. 

Vi gledar oss til å bli kjent med deg!

Arbeidsoppgåver

• Fagansvar innan pasientnær analysering, preanalyse og automasjon
• Fagansvar spermieanalysar 
• Opplæring og rettleiing av tilsette og studentar
• Delta i rutinearbeid

Kvalifikasjonar

• Autorisasjon som bioingeniør
• Relevant erfaring innan preanalyse, automasjon og PNA er ein fordel
• God IT-kompetanse 
• Må beherske godt norsk både munnleg og skriftleg

Personlege eigenskapar

• Kunnskapsrik og engasjert 
• Pådrivar og diskusjonspartner i kvalitetsarbeidet i avdelinga
• Arbeider målretta og strukturert
• Bidreg positivt til eit godt miljø, fagleg og kollegialt
• Arbeider godt sjølvstendig og i team 

Vi tilbyr

• Høve til opplæring og kompetanseutvikling
• Lønn i samsvar med gjeldande overeinskomst
• Gode pensjons- og forsikringsordningar
• Arbeid i IA-bedrift
• Hjelp med bustad, opplys i søknaden dersom det er ønskjeleg

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Robin-Andre Sørland, Avdelingssjef , Telefon:(+47) 918 25 148

Nina Merkesdal Hole, Seksjonsleiar, Telefon:(+47) 578 39 287

Søk på stillingen her