Noklus - Laboratorierådgjevar. Medisinsk biokjemi og blodbank, Helse Førde

Vi søkjer bioingeniør til nye og spennande faglege utfordringar.

Helse Førde har ledig 100% fast stilling som laboratorierådgjevar i Noklus.

Noklus arbeider for at medisinske laboratorieundersøkingar blir rekvirert, utført og tolka riktig i samsvar med pasienten sine behov for utgreiing, behandling og oppfølging. Sjå www.noklus.no.

Organisatorisk er stillinga knytt til Lab. medisinsk biokjemi og blodbank (LMBB) i Helse Førde, og har avdelingssjef som nærmaste leiar. 

Arbeidet som laboratorierådgjevar i Noklus er utfordrande, spennande og inneber mellom anna planlegging og organisering av kurs i laboratoriearbeid. Stillinga har stor grad av sjølvstendig arbeid med store moglegheiter for utvikling og eit nært samarbeid med kollegaer over heile landet.

Startdato 01.05.2025 eller etter avtale.

Arbeidsoppgåver

• Stillinga vil i hovudsak innebere opplæring og rettleiing i laboratoriearbeid utanfor sjukehus
• Stillinga krev stor grad av sjølvstendig arbeid, og ein må rekne med ein del reiser og bruk av bil
• Stillinga inneber stor kontakt med andre yrkesgrupper, og eit inspirerande, landsomfattande samarbeid i Noklus

Kvalifikasjonar

• Autorisert bioingeniør
• Relevant erfaring frå laboratorium i spesialist- eller primærhelsetenesta
• Det vert lagt vekt på evne til fleksibilitet, samarbeidsvilje, sjølvstendig arbeid og stå-på-vilje.
• Beherske norsk med god skriftleg og munnleg framstillingsevne
• Erfaring med opplæring og rettleiing
• Kunnskap i bruk av IT-verktøy som tekstbehandling og presentasjonsprogram
• Sertifikat klasse B

Personlege eigenskapar

• Samarbeidsvillig med gode kommunikasjonsevner
• Handlings- og løysingsorientert
• Imøtekommande og serviceinnstilt
• Evne til å arbeide sjølvstendig og målretta med arbeidsoppgåver
• Personlege eigenskapar blir vektlagde

Vi tilbyr

• Spennande arbeidsoppgåver i eit triveleg arbeidsmiljø
• Fagleg og personleg utvikling
• Opplæringsprogram internt i organisasjonen
• Stillinga er ei dagstilling
• Gode pensjons- og forsikringsordningar
• Løn etter avtale

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Robin-Andre Sørland, avdelingssjef, telefon:+47 918 25 148

Søk på stillinga

Se annonse på webcruiter

Om arbeidsgivaren

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.