Bioingeniørar, Laboratorieklinikken/ Avdeling for patologi, Helse Bergen HF

Avdeling for patologi er ei stor og velutrusta avdeling som gir eit breitt diagnostisk tilbod innan biopsi, cytologi, obduksjon og rettsmedisin, elektronmikroskopi, nyre- og nevropatologi. Avdelinga er inne i ein moderniseringsfase med tanke på nye og spennande utfordringar som vårt fagområde vil møte framover. Avdeling for patologi er m.a ein del av eit nasjonalt satsingsprosjekt for digitalisering, og det blir jobba godt med regionalt samarbeid.

Avdelinga har ca. 150 tilsette, derav overlegar, legar i spesialisering, bioingeniørar, ingeniørar, molekylærbiologar, fagarbeidarar og merkantilt tilsette. Vi tar årleg imot ca. 110.000 celle og vevs prøvar og utfører om lag 600 medisinske og rettsmedisinske obduksjonar. Vi er mange fagpersonar som arbeider tett saman og har eit stort fokus på kvalitet og pasientsikkerheit.

Fagområdet patologi vil i åra som kjem gjennomgå store endringar med innføring av ny teknologi. Digitalisering fører til endringar i arbeidsflyt og arbeidsprosessar, og legge til rette for bruk av kunstig intelligens. Molekylære analysar aukar og er organisert på Laboratorieklinikknivå, i Kreftgenomikk.

Seksjon for cytologi har stor variasjon i analyserepertoar, frå molekylærbiologisk analyse av HPV til mikroskopisk screeningundersøking av cervixprøvar og flowcytometri. Ved Seksjon for biopsi ventar vi ein betydeleg aktivitetsauke framover med krav til korte svartider og auka bruk av tilleggsundersøkingar som immunhistokjemi og molekylære analysar.

Avdelinga har frå 2025 overtatt ansvaret for rettsmedisin frå Universitetet i Bergen.

Avdelinga sine laboratoriemetodar og autopsiseksjonen sine tenester er godkjende av Norsk akkreditering.

Vi har no tre ledige bioingeniørstillingar. To av desse vil vere tilknytt seksjon for histologi og éin ved seksjon for cytologi.

Arbeidsoppgåver

• For bioingeniørane som skal jobbe ved Seksjon for biopsi er mellom anna registrering av vevsprøver, makrobeskjering av prøver, assistere legar i makrobeskjering, maskinpark og støyping av vev i parafinblokker sentrale arbeidsoppgåver. Skjering og farging av snitt er også daglege gjeremål. Arbeidsoppgåvene vil vere varierte og vil kunne endre seg over tid. Det vil vere aktuelt med ein kveldsvakt i veka ved biopsiseksjonen
• For bioingeniør knytt til Seksjon for cytologi vil laboratoriearbeid som mottak og preparering av cytologiske prøver, analysering av HPV, preaparering av kliniske prøvar og flowcytometri vere blant oppgåvene
• Det kan bli aktuelt å gå blodprøverunder då dette er ei oppgåve for bioingeniørar ved avdelinga
• Tilsettinga skjer ved avdelinga, og dersom behovet blir endra vil det kunne vere aktuelt med bytte av seksjon

Kvalifikasjonar

• Norsk autorisasjon som bioingeniør
• Må meistre norsk både munnleg og skriftleg
• Det vil bli lagt vekt på personleg eignaheit
• Det vil være en fordel med erfaring med fra patologilaboratorier

Personlege eigenskapar

• Du er ansvarsbevisst, og får oppgåvene gjort
• Du bidrar positivt til eit fagleg og kollegialt godt miljø
• Engasjement for fagfeltet og har eit ønske om vidareutvikling av kompetanse
• Du må kunne jobbe godt både sjølvstendig og i team, samt vise fleksibilitet
• Du trivast i eit dynamisk arbeidsmiljø, mestrer høgt tempo og liker varierte arbeidsoppgaver
• Tilbyr gjerne hjelp og deler din eiga kompetanse
• Du er punktleg og påliteleg, og har høy arbeidsmoral
• Du tilpassar deg lett endringar, og er løysingsorientert

Vi tilbyr

• Lønn etter gjeldande overeinskomst
• Det må reknast med å jobbe éi kveldsvakt per veke i fast stilling (seksjon for biopsi)
• Triveleg arbeidsmiljø
• Høgt fagleg nivå
• Fagleg og personleg utvikling
• Gode pensjons- og forsikringsordningar
• Eit trivelig og inkluderande arbeidsmiljø

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Ranja Christiansen, sjefsbioingenør

Telefon:55973207

E-post: ranja.christiansen@helse-bergen.no

Søk på stillinga

Sjå annonsen på webcruiter

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.